Florent Malouda, fyrrum kantmaður Chelsea, segir ekkert til í orðrómum þess efnis að hann sé á leið til Birmingham.
Malouda er án félags eftir að hafa yfirgefið Trabzonspor í Tyrklandi í síðustu viku og var því haldið fram að Lee Clarke vildi fá hann til Birmingham.
,,Sá aðra sögu þar sem verið er að orða mig við félag í Championship. Ég þekki engan Lee Clark. Hlýtur að vera eftirstöðvar af ísfötuáskoruninni," skrifaði Malouda á Twitter.
Malouda var í sex ár hjá Chelsea og vann ensku úrvalsdeildina árið 2010 og Meistaradeildina 2012.
Athugasemdir