Hinn 28 ára gamli Ramos á yfir 120 landsleiki að baki fyrir spænska landsliðið.
Sergio Ramos var svellkaldur þegar hann steig á vítapunktinn í viðureign Spánverja gegn Makedóníu í undankeppni EM 2016 í gær.
Staðan var markalaus eftir korter þegar Ramos steig á vítapunktinn og tók eina lauflétta Panenka-vítaspyrnu til að koma heimamönnum yfir.
Staðan var markalaus eftir korter þegar Ramos steig á vítapunktinn og tók eina lauflétta Panenka-vítaspyrnu til að koma heimamönnum yfir.
Mínútu síðar bætti Paco Alcacer öðru marki heimamanna við áður en Makedónar minnkuðu muninn síðar í hálfleiknum. Leiknum lauk þó með 5-1 sigri Spánverja þar sem David Silva var í aðalhlutverki.
,,Ég ætlaði ekki að taka Panenka, en þegar ég sá markvörðinn hreyfa sig tók ég ákvörðun. Ég hefði átt að skjóta svona í Washington og þess vegna ákvað ég að gera það í dag. Mikilvægast er samt sigur liðsins, ekki vítaspyrnan mín eða markið," sagði Ramos eftir leik.
Athugasemdir
