Tyrkir áttu ekki séns í íslenska liðið á Laugardalsvelli í kvöld og var Hannes að vonum ánægður með þennan frábæra sigur.
,,Algjör draumabyrjun. Þetta er eitthvað sem maður hefði varla þorað að vonast eftir eða láta sig dreyma um. Við komum bara ótrúlega vel stemmdir í þennan leik og við gáfum þeim aldrei séns. Við keyrðum yfir þá frá fyrstu mínútu, þetta var bara glæsileg liðsframmistaða," sagði Hannes.
,,Maður hefði ekki giskað á þetta fyrir leik, ég átti von á mjög jöfnum leik sem myndi ráðast á einu marki öðru hvoru megin. En við sýndum sjálfum okkur það að á góðum degi getum við verið alveg frábærir og það er gott að vita að við getum spilað svona leik þegar við hittum á daginn okkar."
Athugasemdir