Tékkland tók sig til og skellti Hollandi 2-1 í fyrstu umferð undankeppni EM 2016, en liðin eru með Íslandi í riðli.

Fyrirfram var búist við því að Holland myndi fara leikandi létt með riðilinn, en þeir appelsínugulu verða þó að sætta sig á að byrja á óvæntu tapi.

Borek Dockal kom Tékklandi yfir með glæsilegu marki á 21. mínútu, en í seinni hálfleik jafnaði Stefan de Vrij metin fyrir Hollendinga.

Allt benti svo til þess að jafntefli yrði niðurstaðan áður en Vaclav Pilar skoraði dramatískt sigurmark heimamanna í uppbótartíma. Lokatölur 2-1.

Ísland og Tékkland eru því með þrjú stig, Kasakstan og Lettland eitt stig ot Hollendingar og Tyrkir án stiga.