Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   fös 09. október 2015 17:16
Gabríel Sighvatsson
Bjarni Jó: Aðstæður hér til að ná í hæstu hæðir
Bjarni Jóhannsson.
Bjarni Jóhannsson.
Mynd: Fótbolti.net - Ómar Vilhelmsson
„Þetta er spennandi verkefni framundan og það er hugur í mönnum að ná lengra en undanfarin ár. Þetta leggst bara mjög vel í mig," sagði Bjarni Jóhannsson við Fótbolta.net eftir að hann skrifaði undir samning við ÍBV í dag.

Bjarni er mættur aftur til Vestmannaeyja en hann vann Íslandsmeistaratitilinn tvívegis með liðinu á sínum tíma. „Ég átti mögnuð ár hérna og það var frábær stemning. Þetta var frábær árangur hjá góðu liði. Núna er að reyna að fljúga í þær hæðir aftur," sagði Bjarni.

„Það er alltaf gaman að þjálfa. Auðvitað eru breyttir tímar síðan ég var hér síðast en þessi gleði, kraftur og stemning sem hefur einkennt Eyjamenn í íþróttum hefur lengi heillað mig," sagði Bjarni sem flytur til Eyja.

„Ég er að flytja til Eyja eftir áramót og verð hér lungann af vikunni. Við erum líka með leikmenn uppi á landi og það þarf að sinna því líka. Það verður flottur flötur á því."

ÍBV endaði í 10. sæti í Pepsi-deildinni í sumar en stefna á að taka stórt stökk fram á við næsta sumar.

„Miðað við umgjörð og kraftinn sem á að setja í þetta núna þá tökum við farsæl skref í þessu og setja stefnuna aðeins hærra en liðið náði í fyrra. Ég tel aðstæður hér til að ná í hæstu hæðir." sagði Bjarni sem ætlar að styrkja hópinn.

„Við höfum rætt það lítilsháttar en það verður að koma í ljós. Við þurfum að fara yfir sumarið með þeim mönnum sem stóðu á bakvið liðið í fyrra og sjá hvað veturinn ber í skauti sér. Það er lykilatriði að liðið sé tilbúið fyrr en það hefur verið undanfarin ár. Við viljum fara í þessi æfingamót með gott lið."

Guðjón Pétur Lýðsson er á förum frá Breiðabliki og hann hefur verið orðaður við ÍBV og fleiri félög. Hafa Eyjamenn áhuga á honum? „Það hefur ekkert verið rætt hvaða leikmenn koma til greina. Vissulega væri frábært að fá Guðjón. Hann hefur verið magnaður undanfarin ár og er frábær miðjumaður. Hann er einn besti miðjukosturinn. Það hafa sjálfsagt allir áhuga á honum."

Hér að ofan má sjá viðtalið í heild sinni.
Athugasemdir
banner
banner
banner
banner