Þjálfaramál ÍBV ættu að skýrast í dag. Ingi vildi ekki staðfesta að Bjarni Jóhannsson sé að taka við liðinu en hann hefur verið í viðræðum við félagið að undanförnu og er líklega að taka við samkvæmt heimildum Fótbolta.net.

Eyjamenn voru í fallbaráttu í Pepsi-deildinni í sumar en náðu að bjarga sér frá falli.

Bjarni þekkir vel til í Eyjum en ÍBV varð Íslandsmeistari undir hans stjórn árin 1997 og 1998 sem og bikarmeistari síðara árið. Hann hefur síðustu ár þjálfað KA í 1. deildinni.

Eyjamenn eru fimmta árið í röð í leit að þjálfara að hausti til eftir að Jóhannes Harðarson og Ásmundur Arnarsson gáfu báðir afsvar um að halda áfram.