Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 09. október 2015 17:26
Magnús Már Einarsson
Tommy Nielsen tekinn við Víði Garði (Staðfest)
Tommy gefur skipanir í leik með Grindavík í sumar.
Tommy gefur skipanir í leik með Grindavík í sumar.
Mynd: Fótbolti.net - Ómar Vilhelmsson
Tommy Nielsen hefur verið ráðinn þjálfari Víðis Garði í 3. deildinni. Þetta kemur fram á Facebook síðu félagsins

Tommy þjálfaði Grindavík á nýliðnu tímabili en fékk ekki áframhaldandi samning þar.

Tommy kom til Íslands árið 2003 þegar hann gekk í raðir FH. Hann spilaði með FH til ársins 2011 og vann fjölmarga titla með liðinu.

Tommy var síðan spilandi aðstoðarþjálfari hjá Fjarðabyggð 2013 og 2014 þegar liðið fór úr þriðju deild upp í 1. deild.

Víðir Garði endaði í 6. sæti í 3. deildinni í sumar eftir fallbaráttu framan af. Rafn Markús Vilbergsson og Árni Þór Ármannsson hafa þjálfað liðið síðustu tvö ár en þeir hættu eftir mót.
Athugasemdir
banner
banner
banner