Ísland tryggði sér sæti á HM í fyrsta skipti í sögunni með sigri á Kosóvó í kvöld.
Tryggvi Guðmundsson, sérfræðingur Fótbolta.net, er búinn að skila inn einkunnagjöf sinni eftir leik kvöldsins.
Tryggvi Guðmundsson, sérfræðingur Fótbolta.net, er búinn að skila inn einkunnagjöf sinni eftir leik kvöldsins.
Hannes Þór Halldórsson 7
Hafði lítið að gera en stendur alltaf fyrir sínu.
Birkir Már Sævarsson 7
Stóð sína vakt vel að venju. Var ekki í neinu veseni.
Kári Árnason 8
Er kominn aftur inn og er alltaf eins og klettur.
Ragnar Sigurðsson 7
Klettur eins og Kári. Þeir eru eins og malt og appelsín eins og ég hef áður sagt.
Hörður Björgvin Magnússon 7
Öflugur í loftinu. Stóð sína vakt vel eins og aðrir í vörninni.
Jóhann Berg Guðmundsson 8
Farinn af stað í markaskorun og skorar annan leikinn í röð. Mikill sprengikraftur.
Aron Einar Gunnarsson 7 ('78)
Er akkerið í frábæru og samheldnu liði.
Emil Hallfreðsson 7 ('89)
Kom aftur inn í liðið og blómstraði á miðjunni.
Birkir Bjarnason 7
Á stóran þátt í seinna markinu sem tryggði farseðilinn endanlega til Rússlands.
Gylfi Þór Sigurðsson 8
Þvílíkur unaður að horfa á þennan leikmann. Mark og stoðsending.
Jón Daði Böðvarsson 7 ('61)
Duglegur og átti þátt í fyrra markinu með góðri pressu á varnarmenn Kosóvó.
Varamenn
Alfreð Finnbogason ('61) 6
Kom inn á og gerði sitt.
Sverrir Ingi Ingason ('78')
Spilaði of stutt til að fá einkunn.
Rúnar Már Sigurjónsson ('89)
Spilaði of stutt til að fá einkunn.
Liðsheildin - 10
Þetta er besta íþróttalið sem Ísland hefur átt og liðsheildin verður seint toppuð. Til hamingju með sætið á HM!
Þjálfarateymið - 10
Frábær vinna innan sem utan vallar. Allt upp á 10 í einu og öllu.
Athugasemdir