Landsliðsmaðurinn fyrrverandi, Hermann Hreiðarsson, var að sjálfsögðu mættur til að fylgjast með Íslandi vinna Kósóvó og tryggja sér sæti á Heimsmeistaramóti í knattspyrnu í fyrsta skipti.
Lestu um leikinn: Ísland 2 - 0 Kosóvó
„Maður var tiltölulega slakur. Þetta lið er búið að vera svo sannfærandi í síðustu fjögur ár þannig að þetta var aldrei að fara að vera í hættu. Það var bara tímaspursmál hvenær við myndum skora,“ sagði sultuslakur Hemmi sem er ánægður með hvernig liðið hefur haldið áfram að bæta sig eftir EM-ævintýrið.
„Það er ekkert mál að taka eitt mót en að fylgja þessu svona glæsilega eftir og vera ennþá betri í þessari undankeppni. Það lýsir fókusnum og hvað Heimir er að gera frábært djobb hérna. Þetta er lygilegt,“ sagði Hemmi meðal annars en hægt er að horfa á allt viðtalið við hann í spilaranum hér að ofan.
Athugasemdir