Shaka Hislop í leik með Trinidad & Tobago.
Shaka Hislop, fyrrum markvörður Trinidad & Tobago, segir á Twitter í kvöld að hann samgleðjist Íslandi að vera núna fámennasta þjóðin til að tryggja sér sæti á HM.
1,3 milljónir manns eru frá Trinidad & Tobago en Hislop varði mark liðsins á HM í Þýskalandi árið 2006.
Þegar Ísland var nálægt því að komast á HM í Brasilíu árið 2014 lét Hislop hafa eftir sér að hann yrði svekktur ef Trinidad & Tobago myndi missa metið.
Hislop var á öðru máli þegar hann svaraði Bjarka Frey Guðmundssyni, fyrrum markverði Keflavíkur og ÍA, á Twitter í kvöld.
„Ég er ánægður fyrir ykkar hönd...þetta var gaman á meðan því stóð. :-)," sagði Hislop meðal annars á Twitter.
Hislop lék á sínum tíma með Newcastle, West Ham og Portsmouth í ensku úrvalsdeildinni en hér að neðan má sjá færslu hans á Twitter.
No need to apologize. Delighted for you...it was good while it lasted. :-)
— Shaka Hislop (@ShakaHislop) October 9, 2017
Athugasemdir
