Fótbolti.net ræddi við Jón Steindór Valdimarsson, sem er tengdapabbi Hannesar, en hann var spenntur fyrir leiknum og ræddi aðeins um leikinn.

„Ég hef alltaf góða tilfinningu þegar Hannes stendur í markinu, þannig ég hef fulla trú á því að við munum standa okkur vel og allt liðið, þetta er frábært lið með fullt af eldmóði og við munum vinna þennan leik með glæsibrag," sagði Jón Steindór.

„Það þarf auðvitað alltaf að hafa varan á sér og fara ekki fram úr sér en ég hef fulla trú á að strákarnir munu standa sig. Þetta er eitt skref í einu, þetta eru 90 mínútur og það þarf að vinna hann."

„Ég er nú svo bjartsýnn að ég held að þetta verði 2-0. Ég veit ekki hverjir skora, við eigum svo mikið af góðum markaskorurum að ég treysti mér ekki að spá fyrir um það," sagði hann ennfremur.

Hægt er að sjá viðtalið í heild sinni hér fyrir ofan.