Heimild: Vísir
Esther Rós Arnarsdóttir, Ólína Sif Einarsdóttir og Aníta Sól Ágústsdóttir unnu allar til verðlauna í úrslitakeppni NCAA keppninnar, þar sem háskólalið mætast.
Stúlkurnar eru á bilinu 20 til 21 árs og eiga framtíðina fyrir sér í boltanum.
Stúlkurnar eru á bilinu 20 til 21 árs og eiga framtíðina fyrir sér í boltanum.
Esther hefur leikið fyrir Breiðablik, Fjölni og ÍBV á Íslandi, en lið hennar í háskólaboltanum er San Diego State, sem vann sína deild og tekur þar af leiðandi þátt í úrslitakeppninni.
Ólína Sif og liðsfélagar hennar í Missouri State unnu Missouri Valley mótið og komust þannig í úrslitakeppnina í fyrsta sinn í 17 ár. Ólína á 69 leiki að baki fyrir Tindastól í meistaraflokki.
Aníta Sól vann sína deild með South Alabama og lék Skagamærin stórt hlutverk á sínu fyrsta ári í háskóla.
Stelpurnar þrjár fengu allar skólastyrk í gegnum Soccer and Education USA, sem hjálpar ungum íslenskum knattspyrnumönnum að fá námsstyrki í bandarískum háskólum.
Þá er Andrea Rán Snæfeld Hauksdóttir, leikmaður Breiðabliks, einnig á leið í úrslitakeppnina með UCF, en er ekki þar á vegum Soccer and Education USA.
Athugasemdir