Hin 37 ára gamla Jóna Benný hefur spilað með meistaraflokki Sindra með hléum frá árinu 1993.

Í sumar spilaði hún þrjá leiki í 1. deildinni með liðinu og einn leik í Borgunarbikarnum.

Sindri endaði í 7. sæti á nýliðnu tímabili eftir að hafa verið spáð tíunda og neðsta sæti fyrir tímabilið í 1. deild kvenna í spá þjálfara og fyrirliða.

Ingvi Ingólfsson þjálfaði Sindra í sumar en hann lét af störfum eftir tímabilið. Jóna hefur nú tekið við af honum.