Það ræðst á næstu dögum hvort að Ísland verði í öðrum eða þriðja styrkleikaflokki þegar dregið verður í riðla fyrir HM í Rússlandi þann 1. desember næstkomandi.
Síðustu lausu sætin á HM ganga út á næstu dögum þegar leikið er í umspili. Af fimm leikjum í umspili þarf Ísland að treysta á að þrjú eða fleiri úrslit falli liðinu í hag. Ef það gerst verður Ísland í öðrum styrkleikaflokki en ekki þriðja.
Síðustu lausu sætin á HM ganga út á næstu dögum þegar leikið er í umspili. Af fimm leikjum í umspili þarf Ísland að treysta á að þrjú eða fleiri úrslit falli liðinu í hag. Ef það gerst verður Ísland í öðrum styrkleikaflokki en ekki þriðja.
„Það eru fimm umspilsleikir sem skipta okkur máli. Það þurfa þrír leikir að fara þannig að liðið sem er neðar á styrkleikalistanum vinni. Þá verðum við í 2. styrkleikaflokki fyrir HM," sagði Heimir Hallgrímsson landsliðsþjálfari við Fótbolta.net í dag.
„Það setur nýtt krydd í þessa leiki að halda með þeim sem eru neðar á FIFA listanum," bætti Heimir við en er hann bjartsýnn á að að takist?
„Það er allt mögulegt í þessum fótbolta. Þetta verða allt jafnir leikir en líklega munu liðin í efri sætunum vinna. Tölfræðin segir okkur það."
Hér að neðan má sjá leikina sem skipta Ísland máli en innan sviga er sætið á styrkleikalistanum. Þrjú af fimm feitletruðu liðunum þurfa að vinna til að Ísland nái að enda í 2. styrkleikaflokki.
Leikirnir í umspili
Króatía (18) - Grikkland (47)
Norður-Írland (23) - Sviss (11)
Danmörk (19) - Írland (26)
Svíþjóð (25) - Ítalía (15)
Nýja-Sjáland (122) - Perú (10)
Athugasemdir
