Sorglegar fréttir voru að berast frá Perú en Joao Contreras, leikmaður Sport Aguila, lést er hann varð fyrir eldingu í miðjum leik í bikarleik.
Atvikið átti sér stað í kvöld er Sport Aguila mætti Union Fuerza Minera í bikarnum í Perú en þetta var síðari leikur þessara liða.
Þegar síðari hálfleikur var að hefjast þá skokkaði Joao Contreras inná völlinn og varð um leið fyrir eldingu en hann lést af völdum hennar á meðan annar aðstoðardómari leiksins slasaðist.
Hægt er að sjá myndband af atvikinu hér fyrir neðan en varað er við myndefninu. Í byrjun myndbandsins sést leikmaðurinn í vinstra horninu áður en myndatökumenn skiptu yfir á skiptingu hjá Sport Aguila.
Athugasemdir