Þýski fjölmiðillinn Bild heldur því fram í kvöld að stjórn Borussia Dortmund hafi ákveðið að reka Peter Bosz úr stjórastarfinu eftir 2-1 tap liðsins gegn Werder Bremen í dag.
Peter Bosz tók við sem knattspyrnustjóri Dortmund í sumar af Thomas Tuchel eftir að hafa náð góðum árangri með Ajax. Lítið hefur hins vegar gengið hjá Dortmund á þessu tímabili en til að mynda mistókst liðinu að komast uppúr Meistaradeildarriðli sínum.
Peter Bosz tók við sem knattspyrnustjóri Dortmund í sumar af Thomas Tuchel eftir að hafa náð góðum árangri með Ajax. Lítið hefur hins vegar gengið hjá Dortmund á þessu tímabili en til að mynda mistókst liðinu að komast uppúr Meistaradeildarriðli sínum.
Þá hefur Dortmund ekki unnið leik í deildinni síðan í lok september en eftir tap liðsins gegn Werder Bremen fyrr í dag á Hans-Joachim Watzke, stjórnarformaður Dortmund, að hafa fengið nóg.
Samkvæmt Bild var Bosz rekinn eftir leik dagsins og verður tilkynning um það send út á morgun. Bild er eitt stærsta og virtasta blað Þýskalands og hefur yfirleitt rétt fyrir sér í svona málum.
Athugasemdir