Joe Hart er á meðal varamanna hjá West Ham sem mætir Englandsmeisturum Chelsea í ensku úrvalsdeildinni í hádeginu.

Hart lék ekki með gegn Manchester City um síðustu helgi þar sem hann er í láni frá City-félaginu. Á meðan Hart var ekki með lét Spánverjinn Adrian ljós sitt skína og David Moyes velur hann fram yfir enska landsliðsmarkvörðinn í dag.

West Ham hefur ekki átt góðu gengi að fagna og er í næst neðsta sæti deildarinnar. Chelsea er á uppleið og er núna aðeins þremur stigum á eftir Manchester United sem er í öðru sæti.