Tommy Lawrence.
Tommy Lawrence, fyrrum markvörður Liverpool, er látinn 77 ára að aldri. Lawrence lék fyrsta Evrópuleikinn á Anfield sem fram fór 1964 en KR var þá mótherjinn.
Liverpool átti ekki í vandræðum með KR-inga og vann 6-1 sigur en mark KR skoraði Gunnar Felixson, framhjá Lawrence.
Liverpool átti ekki í vandræðum með KR-inga og vann 6-1 sigur en mark KR skoraði Gunnar Felixson, framhjá Lawrence.
Lawrence lék 390 leiki fyrir Liverpool á rúmlega fjórtán árum með aðalliðinu. Hann varð tvívegis Englandsmeistari undir stjórn hins goðsagnakennda Bill Shankly og var í liði Liverpool sem vann sinn fyrsta FA bikarmeistaratitil 1965.
Hann fékk viðurnefnið „fljúgandi svínið" meðal stuðningsmanna Liverpool þar sem hann þótti ótrúlega fimur milli stanganna þrátt fyrir að vera stór og mikill.
Lawrence komst í fréttirnar 2015 þegar fréttamaður BBC var að spyrja fólk á förnum vegi hvort það myndi eftir frægum grannaslag Liverpool og Everton frá 1967. Fyrir algjöra tilviljun rakst fréttamaðurinn á Lawrence en vissi ekki að hann hefði spilað leikinn. Þetta kostulega atvik má sjá hér.
We're deeply saddened by the passing of former goalkeeper Tommy Lawrence.
— Liverpool FC (@LFC) January 10, 2018
RIP Tommy. pic.twitter.com/Truq1x0CvV
First ever European match at Anfield took place this day in 1964. #LFC beat the Icelanders in KR 6-1. pic.twitter.com/HHByXak17W
— LFChistory.net (@LFChistory) September 14, 2016
Athugasemdir
