Sóknarmaðurinn Carlos Tevez á sér þann draum að spila fyrir argentíska landsliðið á HM í Rússlandi næsta sumar.
Tevez (33) er kominn aftur til Boca Juniors í heimalandinu eftir mjög misheppnaða dvöl hjá Shanghai Shenhua í Kína. Þetta verður í þriðja sinn á ferlinum sem Tevez spilar fyrir uppeldisfélag sitt, Boca.
Tevez (33) er kominn aftur til Boca Juniors í heimalandinu eftir mjög misheppnaða dvöl hjá Shanghai Shenhua í Kína. Þetta verður í þriðja sinn á ferlinum sem Tevez spilar fyrir uppeldisfélag sitt, Boca.
Tevez er mjög ánægður að vera kominn heim og hefur nú sett sér það markmið að komast aftur í argentíska landsliðið. Hann spilaði síðast fyrir hönd Argentínu fyrir þremur árum síðan.
„Ég á ekki mörg ár eftir í fótboltanum. Að komast á HM, fyrir leikmann á mínum aldri, það væri eitthvað fallegt við það," sagði Tevez við fjölmiðla þegar hann var kynntur til leiks hjá Boca í gær.
Argentína er í riðli á HM með Nígeríu, Króatíu og auðvitað Íslandi. Fyrsti leikur Argentínu er gegn Íslandi í Moskvu.
Athugasemdir
