Stuðningsmenn Bayer Leverkusen voru að vonum áhyggjufullir þegar Javier Hernandez þurfti að yfirgefa völlinn vegna meiðsla í tapleik gegn Werder Bremen í þýska bikarnum í gærkvöldi.
Þeir ættu að geta andað léttar þar sem meiðslin eru talin smávægileg en Chicharito, eins og hann er jafnan kallaður, verður þó ekki með liðinu gegn Darmstadt í Bundesligunni um næstu helgi.
Chicharito hefur verið afar drjúgur í markaskorun síðan hann gekk í raðir Leverkusen frá Man Utd síðasta sumar en hann skoraði einmitt eina mark liðsins í tapinu í gær.
Þessi 27 ára gamli framherji hefur verið valinn leikmaður mánaðarins í Þýskalandi síðustu þrjá mánuði en hann hefur skorað 10 mörk í síðustu níu leikjum.
Athugasemdir