Ingó Veðurguð ætlar að spila í Eyjum í sumar.
Miðjumaðurinn Ingólfur Þórarinsson hefur gengið til liðs við KFS í Vestmannaeyjum.
Ingólfur var síðastliðið sumar spilandi þjálfari hjá Hamri í Hveragerði í 3. deildinni.
Ingólfur var síðastliðið sumar spilandi þjálfari hjá Hamri í Hveragerði í 3. deildinni.
Ingólfur er uppalinn á Selfossi en hann fór meðal annars með liðinu upp úr 2. deild í Pepsi-deildina á sínum tíma. Þá hefur Ingólfur einnig leikið með Víkingi R. og Fram á ferli sínum.
KFS mun leika í 3. deildinni í sumar en liðið komst óvænt upp síðastliðið haust þegar Grundarfjörður ákvað að draga sig úr keppni.
Tryggvi Guðmundsson, markahæsti leikmaður efstu deildar frá upphafi, spilaði með liðinu í fyrrasumar en hann stefnir á að leika áfram í 3. deildinni í sumar þegar starf hans sem aðstoðarþjálfari ÍBV leyfir.
Athugasemdir
