Landsliðsmiðvörðurinn Kári Árnason sat allan tímann á varamannabekknum þegar Aberdeen gerði markalaust jafntefli við Patrick Thistle í skosku úrvalsdeildinni.

Þetta er fjórði leikurinn í röð þar sem Aberdeen mistekst að vinna og eru stuðningsmenn langt frá því að vera sáttir.

Derek McInnes, stjóri Aberdeen, hefur verið harðlega gagnrýndur af stuðningsmönnum fyrir það hvernig hann lagði leikinn upp í dag, töldu margir að hann væri of varnarsinnaður í uppstillingu sinni gegn liði sem er að berjast við falldrauginn.

Aberdeen er í þriðja sæti skosku úrvalsdeildarinnar.

Fínar líkur eru á því að Kári komi aftur inn í næsta leik.