Heimild: Vísir
Rússland er stærsta land í heimi og þekur stóran hluta Evrópu og Asíu. HM verður haldið þar í sumar en engir leikir verða spilaðir í Asíuhluta landsins.
Það á þó ekki við þegar leikið er í deildarkeppnum landsins eins og leikmenn Baltika Kalíníngrad komust að um helgina. Þeir þurftu að ferðast hálfan hnöttinn til að mæta Luch-Energiya í B-deildinni.
Það á þó ekki við þegar leikið er í deildarkeppnum landsins eins og leikmenn Baltika Kalíníngrad komust að um helgina. Þeir þurftu að ferðast hálfan hnöttinn til að mæta Luch-Energiya í B-deildinni.
Baltika er lið í Kalíníngrad, sem er borg í rússnesku yfirráðasvæði á milli Póllands og Litháen. Kalíníngrad er vestasti partur Rússlands.
Luch er í Vladivostok, sem er einn af austustu hlutum Rússlands. Borgin er rétt fyrir norðan Norður-Kóreu, rúmlega tíu þúsund kílómetrum frá Kalíníngrad ef farið er á bíl. Vegalengdin með flugi er rétt undir 7500 kílómetra.
Leiknum lauk með markalausu jafntefli en það tekur minnst 8 tíma að fara aðra leið með flugi.
Baltika er í fjórða sæti B-deildarinnar, fjórtán stigum frá toppbaráttuni. Luch situr í því sextánda, með 32 stig eftir 31 umferð.
Athugasemdir
