Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
banner
   þri 10. apríl 2018 09:20
Magnús Már Einarsson
Rashford á förum frá Manchester United?
Powerade
Rashford er ósáttur við spiltíma sinn.
Rashford er ósáttur við spiltíma sinn.
Mynd: Getty Images
Ensku slúðurblöðin sofa aldrei. Hér er slúðurskammtur dagsins.



Marcus Rashford (20) er orðinn pirraður á fáum tækifærum hjá Manchester United og hann gæti farið frá félaginu á næsta tímabili. (Mirror)

Starf Antonio Conte er aftur í hættu hjá Chelsea en hann gæti hætt áður en tímabilið er úti. (Mail)

Vonir Chelsea um að Conte fari til PSG í sumar virðat úr sögunni en Thomas Tuchel er líklega að taka við franska félaginu. (Times)

Liverpool hefur ekki áhuga á Marouane Fellaini (30) miðjumanni Manchester United en hins vegar vill PSG fá hann í sínar raðir. (Mail)

Javier Hernandez (29) er tilbúinn að fara frá West Ham í sumar í leit að meiri spiltíma. (Mirror)

Watford hefur unnið Arsenal og Tottenham í kapphlaupinu um Ben Wilmot (18) leikmann Stevenage en hann kostar 1,5 milljón punda. (Sun)

Dayot Upamecano (19) varnarmaður RB Leipzig segir að draumur sinn sé að spila með Real Madrid, Barcelona eða Manchester United einn daginn. (Telefoot)

Aston Villa er að skoða Jake Livermore (28) miðjumann WBA. (Mail)

WBA gæti misst framherjann Salomon Rondon (28) þegar liðið fellur úr ensku úrvalsdeildinni. Rondon er með klásúlu um að hann megi fara á 16,5 milljónir punda ef WBA fellur. (Mirror)

Spænski dómarinn Antonio Mateu Lahoz dæmir leik Manchester
City og Liverpool í kvöld en hann hefur áður fengið gagnrýni hjá Pep Guardiola stjóra City. (Times)

Jonjo Shelvey telur að hann sé núna í sama formi og þegar hann komst fyrst í enska landsliðið. (Star)
Athugasemdir
banner
banner