Það voru afar háværir orðrómar fyrr í dag þess efnis að David de Gea væri á leið heim frá Frakklandi vegna meints kynferðisbrotamáls.
Orðrómarnir urðu svo háværir að De Gea þurfti að halda fréttamannafund í Frakklandi til að staðfesta að hann hafði ekki hugmynd um hvað væri í gangi.
Orðrómarnir urðu svo háværir að De Gea þurfti að halda fréttamannafund í Frakklandi til að staðfesta að hann hafði ekki hugmynd um hvað væri í gangi.
„Ég vil byrja á því að segja að þessi orðrómur kemur mér á óvart. Þetta eru ekkert nema lygar og rógburður og ég er ekki á leið heim frá Frakklandi," sagði De Gea á fundinum.
„Fjölmiðlar mega skrifa það sem þeir vilja, lögmennirnir mínir sjá um öll svona mál og ég ætla ekki að spá meira í þessu, ég er róleg og hljóðlát manneskja og þetta mun ekki hafa nein áhrif á mig.
„Ég hef ekki hugmynd um hvar þessar sögur byrjuðu eða hvernig þær rötuðu í fjölmiðla. Það hlýtur einhver að vera að reyna að skemma ímynd okkar."
Athugasemdir
