Evrópumótið í knattspyrnu hefst í dag og eru Íslendingar farnir að streyma til Frakklands til þess að horfa á okkar menn keppa á stóra sviðinu.
Sérstakur viðburður fyrir Íslendinga er skipulagður á þjóðhátíðardaginn sjálfan, 17. júní, næsta föstudag.
„Hugmyndin að þessum viðburði kom upp fyrir svolitlu síðan í ljósi þess að engin skipulögð dagskrá væri fyrir Íslendinga á EM. Það var því farið í það að finna stað sem mætti þeim öryggiskröfum sem gerðar eru en mikið eftirlit og ströng gæsla mun vera í kringum viðburðinn," segja skipuleggjendur viðburðarins.
„Svo var ákveðið að fá einhverja skemmtilega skemmtikrafta til að koma út og taka þátt í gleðinni en Sóli Hólm, Herbert Guðmunds ásamt Degi B. Eggerts og fleirum munu taka þátt í gleðinni."
„Þetta verður bara ekta Íslendingaparty og tilvalið fyrir fólk á öllum aldri að láta sjá sig en takmarkað magn miða er í boði."
Miðaverð er 3.500 kr. en miðasala fer fram á tix.is.
Ert þú á EM-flakki um Frakkland?
— Fótboltinet (@Fotboltinet) June 10, 2016
Hvetjum fólk til að nota kassamerkið #fotboltinet fyrir myndir og annað efni! pic.twitter.com/BqSlsy0eGV
Athugasemdir
