Zlatan Ibrahimovic var númer níu hjá rauðu djöflunum á síðustu leiktíð, en Lukaku fékk leyfi hjá honum til að taka númerið. Zlatan fékk ekki nýjan samning hjá United eftir tímabilið.

„Ég hef alltaf spurt móður mína um hvaða númer ég eigi að hafa á bakinu og ég var vanur að vera númer 10 þar sem hún á afmæli 10. október, og það er tíundi mánuður ársins," sagði Lukaku.

„Þess vegna var ég númer 10. Ég bað núna um að vera númer níu þar sem ég er sóknarmaður."

„Sóknarmenn eru vanalega númer níu. Það er flott tala, og ég bað um leyfi hjá Zlatan Ibrahimovic. Ég vil þakka honum fyrir að leyfa mér að vera númer níu," sagði Lukaku.

Lukaku mun fylgja í fótspor Zlatan, Anthony Martial, Radamel Falcao, Dimitar Berbatov, Louis Saha, Andy Cole og Brian McClair þegar hann mun klæðast treyju númer níu hjá Man Utd.