Marc Guehi kemur aftur inn í vörnina
England og Holland mætast í síðari undanúrslitaleik Evrópumótsins á Signal Iduna Park í Dortmund í Þýkskalandi klukkan 19:00 í kvöld. Leikurinn er sýndur í beinni útsendingu á RÚV.
Gareth Southgate, þjálfari Englendinga, gerir eina breytingu frá sigrinum á Sviss í 8-liða úrslitum. Marc Guehi hefur tekið út leikbann og mætir aftur inn fyrir Ezri Konsa.
Þá gera Hollendingar eina breytingu. Donyell Malen, sem skoraði tvö í 16-liða úrslitum gegn Rúmeníu, kemur inn fyrir Steven Bergwijn.
Englendingar eru að spila til undanúrslita annað mótið í röð og freistar þess að komast í fyrsta sinn í úrslit á erlendri grundu.
Hollenska landsliðið hefur ekki komist í úrslit síðan 1988 er það vann mótið. Ronald Koeman, þjálfari Hollendinga, var lykilmaður í því liði, en hann vonast nú eftir að geta stýrt lærisveinum sínum í úrslitaleikinn.
England: Pickford, Walker, Stones, Guehi, Saka, Rice, Mainoo, Trippier, Bellingham, Foden, Kane.
Holland: Verbruggen, Dumfries, De Vrij, Van Dijk, Ake, Reijnders, Schouten, Simons, Malen, Gakpo, Depay
Athugasemdir
