Heimild: 433.is
Hólmar Örn Eyjólfsson er að ganga í raðir Rosenborg í Noregi samkvæmt heimildum 433.is. Hólmar hefur verið í leit að félagi síðan samningur hans við þýska félagið Bochum rann út.
Hólmar er miðvörður og á einn leik að baki með íslenska A-landsliðinu auk þess að hafa leikið með öllum yngri landsliðum Íslands.
Rosenborg er sem stendur í fimmta sæti norsku úrvalsdeildarinnar en um er að ræða stærsta félagslið landsins.
Hólmar er 24 ára og er uppalinn hjá HK en var áður í herbúðum West Ham þar sem hann var með yngri liðum félagsins.
Athugasemdir
