Fólk fékk mest fyrir 2.000 kallinn: Þarna er það stórleikur umferðarinnar sem varð fyrir valinu. FH-ingar unnu Valsmenn 2-1 í Kaplakrikanum. Draumaúrslit fyrir FH-inga og hlutlausa áhugamenn. Valsmenn hafa verið fljótir inn á sporið aftur eftir að þeir misstíga eitthvað en þeir eiga KR í næstu umferð.

Ekki lið umferðarinnar: Lykilmenn Vals voru ekki að finna sig í Krikanum.


Veðravíti umferðarinnar: Hávaðarok og grenjandi rigning á Skaganum gerði það að verkum að leikur ÍA og KR var mjög tilviljanakenndur. Það má gera ráð fyrir því að heimamenn hafi verið sáttari við veðrið en leikurinn endaði með jafntefli 1-1.

Endurkoma umferðarinnar: Árni Snær Ólafsson er kominn aftur í mark ÍA eftir langa fjarveru vegna meiðsla. „Þetta er geggjað," sagði Árni í viðtali við Fótbolta.net eftir leikinn gegn KR.

Pirringur umferðarinnar: Óli Stefán Flóventsson var bandbrjálaður út í sitt lið eftir 2-1 tap gegn Víkingi Ólafsvík. „Nú er mér að mæta," sagði Óli eftir fimmta tap Grindvíkinga í röð.

Síbrotamaður umferðarinnar: Elfar Freyr Helgason var í basli í vörn Breiðabliks gegn Stjörnunni. Hann braut af sér hvað eftir annað en Þóroddur Hjaltalín dómari sýndi honum vægð og lét eitt gult spjald nægja.

Umferðarteppur: Bæði ÍBV og Grindavík mættu á síðustu stundu í sína leiki. Það urðu tafir á ferðum Herjólfs svo Eyjamenn voru mættir seint í Fossvoginn. Stífla í Hvalfjarðargöngunum gerði svo að verkum að Grindvíkingar voru mættir seint til Ólafsvíkur.

Hópefli umferðarinnar: Leikmenn FH hópuðust að dómaranum ansi oft í sigrinum gegn Val. Þar var fyrirliðinn Davíð Þór Viðarsson fremstur í flokki. FH-ingar gengu eins langt og Ívar Orri dómari hleypti þeim.

Fallbaráttudaður umferðarinnar: Fjölnir og KA gerðu 2-2 jafntefli í Grafarvoginum. Bæði lið eru farin að daðra hressilega við fallbaráttudrauginn sem er rétt fyrir neðan.

Fagn umferðarinnar:

Við spurðum @sindrisnae út í fagn ÍBV sem gerði sérfræðinga Pepsi-markanna orðlausa... #fotboltinet

Sjáðu fagnið: https://t.co/yXqAK2AGD0 pic.twitter.com/UqGxiFFd09

— Fótbolti.net (@Fotboltinet) August 10, 2017

Bræður umferðarinnar: Hrannar Björn og Hallgrímur Mar skoruðu mörk KA. Hallgrímur var á dögunum valinn kynþokkafyllsti leikmaður deildarinnar og við spurðum Hrannar út í það...

Hallgrímur Mar vel að titlinum Kynþokkafyllsti leikmaður Pepsi kominn. Það segir Hrannar bróðir hans. #fotboltinet pic.twitter.com/W212BOQ4De

— Fótbolti.net (@Fotboltinet) August 10, 2017

Nokkrir sem brosa breitt eftir umferðina:
- Cristian Martinez markvörður Ólsara. Þvílíkur lykilmaður hjá liðinu!
- Heimir Guðjónsson. FH er með á öllum vígstöðvum.
- Steven Lennon og Kristján Flóki Finnbogason eru sjóðheitir. Þeir tveir hafa skorað 19 af 23 mörkum FH í Pepsi-deildinni!
- Stjörnumenn hafa drepið Blikagrýluna og unnu báða leikina gegn þeim grænu í deildinni í sumar.

Nokkrir sem geta verið ansi pirraðir eftir umferðina:
- Ólafur Jóhannesson. Hans menn voru vel ólíkir sjálfum sér í leiknum gegn FH.
- KR-ingar. Virtust vera að skora flautusigurmark gegn ÍA en velskur dómari leiksins sá eitthvað athugavert.
- Ágúst Gylfason sá sína menn tapa niður tveggja marka forystu og gera jafntefli gegn KA á heimavelli.
- Sigurður Egill Lárusson fékk trabantinn óeftirsótta í Pepsi-mörkunum.

Dómari umferðarinnar: Vilhjálmur Alvar Þórarinsson dæmdi leik Fjölnis og KA. Hefur verið flottur í sumar og er verðlaunaður með bikarúrslitaleiknum á laugardag.

#fotboltinet að lokum

6 af 6 stigum á móti Breiðablik þetta árið. Frábær 2-0 sigur í gær á Samsungvellinum. Er Blika-grýlan dauð? #InnMedBoltann #fotboltinet pic.twitter.com/XA5GombZzz

— Stjarnan FC (@FCStjarnan) August 10, 2017

Ég býst við að aldraður áhorfandi hefði framkvæmt vítaspyrnuna betur fyrir Blika. #pepsi365 #fotboltinet

— Runolfur Palsson (@runolfpa) August 9, 2017

Það var mikið @hrannarbjorn !
Ekki nema 11 dögum eftir að hin hliðin birtist...#fotboltinet pic.twitter.com/ce5kVIij0T

— Arnar Daði Arnarsson (@arnardadi) August 9, 2017

#fotboltinet Skaginn vinnur ekki fjóra leiki af þeim átta sem eftir eru...en það þarf til að forðast fall = 22 stig

— Gulli (@gulli1969) August 9, 2017

Tapaði @hjorvarhaflida veðmáli? Þessi hárgreiðsla er glæpur! Aldrei greiða beint fram, alltaf til hliðar! #fotboltinet #365pepsi

— Kjartan Vído (@VidoKjartan) August 9, 2017

Ótrúlegt hvað fá félög reyndu að fá Hilmar til sín eftir að Leiknir féll úr Pepsi 2015. Skilar alltaf stoðsendingum og mörkum #fotboltinet

— Magnús Már Einarsson (@maggimar) August 9, 2017

Hilmar Arni is a brilliant player. Of all the stars in the league he's been most consistent for me. #fotboltinet

— Lucas Arnold (@FRfotboltiLucas) August 9, 2017

Merkilegt að Hrannar hafi náð að flækja saman svona stuttum fótum í fyrra marki Fjölnis en sá kvittar fyrir það! #fotboltinet

— Heiðar Ingi Helgason (@heidaringi) August 9, 2017