Halldór Jón Sigurðsson, þjálfari Þórs/KA, var ósáttur með að fá ekki þrjú stig út úr leiknum gegn Fylki í kvöld. Leiknum lauk með 3-3 jafntefli en hann vildi fá leikmann Fylkis útaf.
Lestu um leikinn: Þór/KA 3 - 3 Fylkir
Fylkisliðið var 2-1 yfir í hálfleik og komst í þriðja markið en Þór/KA jafnaði á lokamínútunum með tveimur góðum mörkum
„Ég er svekktur með að vinna ekki leikinn. Við hefðum átt að skora fleiri mörk en að sama skapi mjög svekktur að fá á okkur þrjú mörk," sagði Halldór við Fótbolta.net.
„Fylkisliðið er mjög flott og breytt lið frá því fyrir hlé. Eru með nýjan þjálfara og fullt af nýjum leikmönnum. Við vorum eftir á í baráttunni, við vorum með boltann og sköpuðum færi en það er vont að fá tvö mörk á okkur rétt fyrir leikhlé."
Halldór var ósáttur með að fá ekki rautt spjald er Sandra María Jessen var tekin niður í teignum þegar Þór/KA fékk víti. Þá telur hann að dómarin hafi tekið mark af liðinu á 74. mínútu.
„Dómarinn átti að reka manninn útaf hún var komin ein í gegn og það er vanalega rautt. Það er kannski búið að breyta reglunum og svo skoruðum við bara löglegt mark í lokin en hann ákveður að dæma á okkur aukaspyrnu í staðinn," sagði hann ennfremur.
Hægt er að sjá viðtalið í heild sinni hér fyrir ofan.
Athugasemdir
