Jóhannes Karl Guðjónsson, þjálfari HK í Inkasso-deildinni, var sáttur með 2-1 sigur liðsins á Selfyssingum í kvöld. Þetta var fimmti sigur liðsins í röð.
Lestu um leikinn: HK 2 - 1 Selfoss
Brynjar Jónasson kom HK-ingum yfir áður en James Mack jafnaði metin. Brynjar skoraði svo sigurmarkið á 19. mínútu og þar við sat.
Liðið er komið upp í fjórða sæti með 27 stig, fjórum stigum á eftir toppliðinu.
„Þetta var svakalega mikill baráttuleikur og við lögðum svolítið mikið í þetta. Við ætluðum að mæta grimmir til leiks og það heppnaðist hjá okkur," sagði Jóhannes Karl við Fótbolta.net.
„Það þróaðist þannig hjá okkur að það sem við gerðum í fyrri hálfleik það dugði okkur. Það var fyrst og fremst vinnusemin í strákunum og hversu mikið þeir voru tilbúnir á að leggja á sig fyrir þessi þrjú stig."
„Við erum með mjög hættulega menn frammi og erum búnir að sýna það hversu öflugir við erum. Annað markið sem Brynjar skoraði er frábærlega vel gert og undirbúningurinn frá Bjarna Gunnarssyni góður en þetta sýnir hversu viljugir og grimmir við erum, bæði varnarlega og sóknarlega."
HK hefur eins og áður segir unnið síðustu fimm leiki í deildinni og er farið að nálgast toppliðin.
„„Við ákváðum að stilla okkur af eftir fyrri umferðina og setja okkur ný markmið. Við erum á fleygiferð og höldum áfram einn leik í einu en svo er það bara næsti leikur og við förum í hann af fullum krafti."
„Það er ómögulegt fyrir okkur. Liðin sem eru þarna uppi eru vel mönnuð, allt frábær lið. Það er erfitt fyrir lið eins og HK að keppa um það en við förum bara í næsta leik til að vinna hann. Við erum að vinna í mikilli uppbyggingu og halda fókusnum á það," sagði hann í lokin.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir