Úlfur Blandon þjálfari Vals var að vonum sáttur eftir 2-0 sigur fyrr í kvöld á móti sterku liði Breiðabliks.
„Já við erum bara ótrúlega sátt með þennan leik, við spiluðum feykilega flottan fótbolta í dag, varnarlega og sóknarlega og ég er bara ótrúlega stoltur af liðinu. Mér fannst þær leggja sig fram og eiga sigurinn skilið.“
„Já við erum bara ótrúlega sátt með þennan leik, við spiluðum feykilega flottan fótbolta í dag, varnarlega og sóknarlega og ég er bara ótrúlega stoltur af liðinu. Mér fannst þær leggja sig fram og eiga sigurinn skilið.“
Lestu um leikinn: Valur 2 - 0 Breiðablik
Eftir langa pásu í deildinni áttu áhorfendur von á hörkuleik en það virtist sem Úlfur hefði nýtt fríið að einhverju leiti betur en þjálfari Blika.
„Við vorum búin að skipuleggja okkur vel fyrir þennan leik, fyrst og síðast snerist þetta um okkur, við þurftum að loka ákveðnum svæðum og þannig lokuðum við á ákveðna styrkleika hjá Breiðablik og mér fannst við gera það vel í dag. Ég man ekki eftir að þær hafi fengið færi.“
Hann hrósaði svo leikmönnum sínum fyrir flottan leik en aðspurður um stöðuna í deildinni og framhaldið hafði Úlfur þetta að segja:
„Maður er ekkert að spá hvað maður er mörgum stigum á eftir toppliðinu við erum fyrst og síðast að hugsa um einn leik í einu og reyna vera svolítið skipulagðar og spila flottan fótbolta. Við erum ekkert að spá í hvaða lið eru fyrir ofan okkur, bara einn leikur í einu.“
Nánar er rætt við Úlf í spilaranum hér að ofan.
Athugasemdir