„Það gæti verið öldugangur ef menn taka ekki á stóra sínum og skila einhverjum stigum," sagði Logi Ólafsson, þjálfari Víkings.

„Við erum að reyna að búa til stemningu fyrir þessa síðustu fimm leiki. Þetta hefur verið brokkgengt hjá okkur. Við höfum tekið þetta í gusum og við þurfum meiri stöðugleika."

Brynjar Björn Gunnarsson og Davíð Snorri Jónasson, aðstoðarþjálfarar Stjörnunnar, eru í banni í leiknum í dag.

„Ég vona að Rúnar (Páll Sigmundsson) verði ekki einmanna á bekknum. Hann getur spjallað við mig ef honum leiðist. Ég vonast fyrst og fremst til að þetta verði vel leikinn leikur og skemmtilegur," sagði Logi.

Hér að ofan má sjá viðtalið í heild sinni.