Það var kampakátur Óli Jó sem mætti í viðtal eftir 1-0 sigur á Blikum í kvöld.
"Þessi leikur gaf þrjú stig eins og aðrir leikir og ég er mjög sáttur við það"
"Þessi leikur gaf þrjú stig eins og aðrir leikir og ég er mjög sáttur við það"
Leikurinn var býsna kaflaskiptur, Blikar stjórnuðu ferðinni í fyrri hálfleik en Valsarar voru sterkari í þeim seinni.
"Blikarnir áttu nokkrar vænlegar sóknir í fyrri hálfleik, bara nokkuð margar meira að segja en þeir fóru illa að ráði sínu í þeim. Við töpuðum boltanum klaufalega og vorum ekki að hlaupa til baka.
Í hálfleik fórum við yfir grunnvinnu sem þarf að vinna. Menn þurfa að hlaupa og dekka, við erum nógu góðir í fótbolta en menn verða að setja hærra tempó og vera þolinmóðari."
Óli þurfti að hræra til í taktíkinni í kvöld og við það virtist koma meiri ró í uppspilið, skipti taktíkbreytingin máli.
"Taktíkin skiptir ekki öllu máli. Við settum óþreytta leikmenn inná, Blikarnir voru búnir að vera duglegir að dekka okkur og hlupu mikið en ákveðnir menn í Blikaliðinu nenna ekki að hlaupa svona í 90 mínútur, ég veit það alveg og við nýttum okkur það."
Níu stiga forskot og fjórar umferðir eftir, eigum við ekki að giska á það að Valsmenn nái í þau fjögur stig sem þeir þurfa til að landa titlinum?
"Ég sagði fyrir leik að staða okkar gæti verið betri eftir leikinn og þannig er það. Það getur allt gerst í þessum fótbolta en staða okkar er mjög góð."
Nánar er rætt við Óla í viðtalinu sem fylgir.
Athugasemdir