Ari Freyr Skúlason, vinstri bakvörður íslenska landsliðsins lék allan leikinn í 2-2 jafntefli gegn Lettum í kvöld.
Íslenska liðið leiddi í hálfleik 2-0 en mark Letta í upphafi seinni hálfleiks gaf þeim blóðbragð í muninn og að lokum náðu þeir inn jöfnunarmarkinu.
Íslenska liðið leiddi í hálfleik 2-0 en mark Letta í upphafi seinni hálfleiks gaf þeim blóðbragð í muninn og að lokum náðu þeir inn jöfnunarmarkinu.
Lestu um leikinn: Ísland 2 - 2 Lettland
„Þetta var hálf aulalegt. Þeir fengu að breika á okkur aðeins of oft. Eftir þennan fína fyrri hálfleik þá áttum við að klára þetta."
„Þeir fengu alltof margar skyndisóknir á okkur. Þetta var ekki alveg eins og við ætluðum okkur í seinni hálfleik," sagði Ari Freyr sem hefði viljað sjá fleiri íslensk mörk í fyrri hálfleiknum.
„Við hefðum getað skorað fleiri mörk og við hefðum átt að klára þetta. Þá hefðum við getað sitið aðeins til baka og notið þess að vinna þennan leik."
„Við vildum enda þetta á góðu nótunum hér heima, með sigurleik fyrir fólkið. Þetta er mjög svekkjandi en við eigum einn leik eftir og við ætluðum að fókusera á þann leik," sagði Ari.
Viðtalið í heild sinni er hægt að sjá í sjónvarpinu hér að ofan.
Athugasemdir