Given fór meiddur af velli í ótrúlegum 1-0 sigri Írlands á heimsmeisturum Þýskalands á fimmtudag og ljóst að meiðslin munu halda honum frá leikvellinum í einhvern tíma.

Rob Elliott hefur verið kallaður inn í hópinn í hans stað en Darren Randolph, varamarkvörður West Ham, mun væntanlega standa í markinu. Hann kom inn fyrir Given í fyrri hálfleik gegn Þýskalandi.

Leikurinn gegn Póllandi er úrslitaleikur um hvort liðið fer beint í lokakeppni EM á næsta ári en liðin eru jöfn að stigum í öðru og þriðja sæti, með stigi minna en topplið Þýskalands sem leikur gegn Georgíu á sama tíma.