Marian Pahars, landsliðsþjálfari Letta, var ánægður með stig á Laugardalsvelli gegn Íslandi í kvöld.
Ísland var 2-0 yfir í leikhléi en Lettar komu grimmir inn í síðari hálfleikinn og jöfnuðu á 68. mínútu.
Ísland var 2-0 yfir í leikhléi en Lettar komu grimmir inn í síðari hálfleikinn og jöfnuðu á 68. mínútu.
„Ég öskraði ekkert. Það var enginn tilgangur í því," sagði Pahars um hálfleiksræðu sína.
„Þetta voru mín mistök í taktík. Ég viðurkenni það. Við ræddum saman og og náðum að leysa þetta vandamál. Þeir lögðu hart að sér og náðu að jafna."
Allt annað var að sjá Letta í síðari hálfleiknum og þeir áttu færi til að ná sigrinum.
„Við hefðum klárlega getað unnið. Við áttum færi en líka ísland. Sérstaklega í fyrri hálfleik, þeir hefðu getað komist í 3-0. Ég er sáttur með úrslitin."
„Við byrjuðum ótrúlega illa og ég vil hrósa strákunum fyrir að hafa náð jafntefli á útivelli gegn liði sem er komið áfram á EM."
Athugasemdir