Næstsíðustu umferð undankeppni EM lýkur í dag þegar leikið verður í þrem riðlum.

Hæst ber að sjálfsögðu síðasti heimaleikur strákanna okkar sem fram fer á Laugardalsvelli klukkan 16 í dag. Þó sætið á EM sé tryggt hjá Íslandi er að miklu að keppa í hinum leikjunum tveim en Holland og Tyrkland eru í baráttu um umspilssæti og Tékkar vitanlega í baráttu við okkar stráka um toppsætið.

Í B-riðli eru Wales og Belgía í vænlegri stöðu að fara beint á EM en Ísrael á enn veika von á að ná öðru af toppsætunum tveim.

Í H-riðli er gífurleg spenna þar sem Ítalía, Noregur og Króatía berjast um efstu sætin en Norðmenn mæta Ítölum í lokaleiknum og þurfa því helst að næla sér í þrjú stig gegn Möltu í dag.