Árni Vilhjálmsson.
„Þetta er stórleikur og mikið undir. Við erum gríðarlega peppaðir fyrir þennan leik. Ef við spilum okkar leik tel ég að þetta muni fara vel," segir sóknarmaðurinn Árni Vilhjálmsson sem verður í eldlínunni með U21-landsliðinu á morgun.
Ísland mætir Úkraínu í gríðarlega mikilvægum leik á Laugardalsvelli. Sigur gerir það að verkum að íslenska liðið kemst í lokakeppni EM sem fram fer í Póllandi á næsta ári.
Ísland mætir Úkraínu í gríðarlega mikilvægum leik á Laugardalsvelli. Sigur gerir það að verkum að íslenska liðið kemst í lokakeppni EM sem fram fer í Póllandi á næsta ári.
Lestu um leikinn: Ísland 2 - 0 Tyrkland
„Úkraína er með nýtt lið og fer í þennan leik til að móta sitt lið. Þeir eru ekki að keppa um neitt á meðan mikið er í húfi hjá okkur. Við vitum ekki hvernig þeir munu koma í þetta."
Árni vonast eftir góðum stuðningi í leiknum.
„Við erum bara með eitt markmið og það er að ná í þrjá punkta. Það væri draumur að fá mikið af fólki til að horfa. Einhverjir af okkur munu vonandi fara upp í A-landsliðið og við lofum að bjóða upp á veislu hérna á morgun," segir Árni sem skoraði sigurmarkið þegar við unnum Úkraínu 1-0 á útivelli.
Árni var á bekknum þegar U21-landsliðið vann Skotland í síðustu viku.
„Það er ekkert skemmtilegast að hanga á bekknum en í landsleikjum er það liðið sem gengur fyrir. Ef þjálfarinn telur að annar leikmaður henti betur í þennan leik þá verður maður bara að halda sér heitum og koma klár inn."
Viðtalið má sjá í sjónvarpinu hér að ofan.
