Aron Einar fagnar í gær.
Eins og áður hefur komið fram komst Gunnar Malmquist Gunnarsson, faðir Aron Einars, landsliðsfyrirliða, ekki á landsleik Íslands gegn Kosóvó í gær. Ísland tryggði sér sæti á HM með því að vinna leikinn.
Ástæðan var sú að Gunnar sá um að passa dótturdóttur sína.
Í viðtali við RÚV í kvöld útskýrði Gunnar það nánar af hverju hann komst ekki á leikinn mikilvæga í gær.
„Það þarf einhver að passa þessa litlu," sagði hann þá.
Gunnar segist vera gríðarlega stoltur af syni sínum sem mun leiða Ísland út í fyrsta leik á HM í Rússlandi næsta sumar.
„Ég er mjög stoltur, maður er stoppaður út á götu endalaust. Maður er dálítið grobbinn af þessu enda má maður vera það."
Smelltu hér til að sjá viðtalið á RÚV
Þessi fórnar landsleiknum til þess að passa barnabarnið.... það er aðeins einn Gunni Mall pic.twitter.com/zmEnYKFdH6
— Fannar Daði (@fannarmall) October 9, 2017
Athugasemdir
