Frakkland tryggði sér farseðilinn á Heimsmeistaramótið í Rússlandi með sigri á Hvíta-Rússlandi í kvöld.
Frakkar unnu leikinn í kvöld 2-1, en mörk þeirra skoruðu Antoine Griezmann og Olivier Giroud.
Frakkar unnu leikinn í kvöld 2-1, en mörk þeirra skoruðu Antoine Griezmann og Olivier Giroud.
Athygli vekur að þetta er í fyrsta sinn frá árinu 2006 þar sem Frakkland kemst á HM án þess að fara í gegnum umspil.
Fyrir HM 2010 í Suður-Afríku vann liðið Írland í umspili, en þeir komust þar áfram á mjög umdeildu sigurmarki þar sem Thierry Henry handlék boltann, mjög svo eftirminnilega. Fyrir HM í Brasilíu, árið 2014, unnu Frakkar síðan Úkraínu í umspili eftir að hafa komið til baka. Þeir töpuðu fyrri leiknum 2-0 en unnu svo 3-0 á heimavelli.
Núna fyrir HM í Rússlandi á næsta ári þurfa þeir hins vegar ekki umspil. Þeir eru með gríðarlega sterkt lið, sérstaklega sóknarlega, og eru til alls líklegir ef þeir ná að komast á flug.
Athugasemdir