Það tók hann langan tíma að komast á þann stað þar sem hann er í dag. Hann var lengi í "bumbuboltanum" í Frakklandi ef svo má að orði komast, en hann var með skothelt plan ef fótboltinn myndi ekki ganga upp. Hann lærði að vera endurskoðandi.

„Ég var í varaliðinu hjá Boulogne, sem var sjöttu og síðan fimmtu efstu deild Frakklands. Ég var ekki atvinnumaður þannig að ég hélt áfram að læra," sagði Kante.

„Ég var ekki viss um að ég yrði atvinnumaður."

„Ég lærði endurskoðun í tvö ár en þegar ég komst upp í aðalliðið hætti ég í námi og gerðist atvinnumaður. Ég ætlaði að verða endurskoðandi, en í dag vil ég frekar einbeita mér að fótbolta."