Football365 hefur sett saman skemmtilegan lista yfir tíu leikmenn sem hafa tekið mestar framfarir milli tímabila í ensku úrvalsdeildinni, Fólki er svo sannarlega velkomið að vera ósammála listanum!
10) Emre Can - Liverpool: Er á lokaári samningsins og stefnir á að fara með til HM svo það er kannski ekki óeðlilegt.
9) Peter Crouch - Stoke: 36 ára og hefur skorað tvívegis á 101 spilmínútu í ensku úrvalsdeildinni.
8) Marouane Fellaini - Manchester United: Hefur unnið alla þrjá stjóra sína hjá United á sitt band. Jose Mourinho talar mikið um mikilvægi hans.
7) Raheem Sterling - Man City: Er á fleygiferð í rétta átt undir stjórn Pep Guardiola.
6) Nacho Monreal - Arsenal: Virtist vera kominn að leiðarlokum hjá Arsenal þar til Arsene Wenger skipti yfir í þriggja manna varnarlínu. Hefur spilað hverja einustu mínútu í úrvalsdeildinni síðan.
5) Ben Mee - Burnley: Þessi 28 ára leikmaður hefur enn metnað fyrir því að spila fyrir enska landsliðið.
4) Abdoulaye Doucoure - Watford: Miðjumaðurinn hefur fundið betri stöðugleika og er eitt fyrsta nafn á blað hjá Marco Silva.
3) Ben Davies - Tottenham: Hefur komið inn í vinstri bakvörðinn hjá Tottenham eins og stormsveipur.
2) John Stones - Man City: Fékk talsverða gagnrýni á síðasta tímabili en hefur verið sem klettur á þessu.
1) Anthony Martial - Man Utd: Allt annar leikmaður en hann var á síðasta tímabili! Stöðugt ógnandi og stórhættulegt vopn í sóknarleik United.
Athugasemdir
