Nemanja Vidic.
Nemanja Vidic, varnarmaður Manchester United, var fluttur á sjúkrahús eftir að hafa fengið svakalegt höfuðhögg í 1-0 sigri liðsins gegn Arsenal í ensku úrvalsdeildinni í dag.
Serbneski landsliðsmaðurinn lenti í skelfilegu samstuði við David De Gea, markvörð United, undir lok fyrri hálfleiks og fór vankaður af velli. Var Tom Cleverley svo skipt inn á fyrir Vidic í hálfleik.
,,Nemanja Vidic fór á sjúkrahús,“ sagði David Moyes á blaðamannafundi eftir leikinn.
,,Ég sá ekki hversu slæmt þetta var af hliðarlínunni en ég veit að þetta var skelfilegt samstuð. Ég fæ að vita meira frá sjúkrateyminu síðar í kvöld.“
Sjá einnig:
Myndband: Vidic fékk hræðilegt höfuðhögg
Athugasemdir
