Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   fös 10. nóvember 2017 09:30
Elvar Geir Magnússon
Rikki Daða: Grínuðumst með að það væri gaman að fá einn völl frá þeim
Icelandair
Ríkharður Daðason og Guðni Bergsson.
Ríkharður Daðason og Guðni Bergsson.
Mynd: Fótbolti.net - Hafliði Breiðfjörð
Ríkharður Daðason, fyrrum landsliðsmaður, er staddur í Doha en hann er í landsliðsnefnd KSÍ. Ríkharður ásamt Magnúsi Gylfasyni og formanninum Guðna Bergssyni fundaði með æðstu mönnum fótboltans í Katar í vikunni.

Þá kynntu þeir sér undirbúning þessa litla en moldríka lands fyrir HM 2022 sem haldin verður í Katar.

„Við fengum mjög ítarlega kynningu á HM 2022 og þetta er alveg risaverkefni fyrir ekki stærra land. Það er ótrúlegt að þeri ætli að vera með átta nýja leikvanga í klukkutíma radíus hver frá öðrum. Þeir ætla að halda heilt heimsmeistaramót í sömu borginni og þeir eru alveg sannfærðir um að þeir geti það," segir Ríkharður.

„Það er nóg til af aurum til að byggja vellina en áhyggjurnar eru meiri af því hvernig þeir muni sjá um samgöngur og annað slíkt þegar allir eru komnir á sama staðinn. Þeir eru rosalega vissir um að þetta verði frábært hjá þeim. Þeim finnst umfjöllunin sem þeir hafa fengið hafa verið ósanngjörn."

Það er lítið mál fyrir Katar, eitt ríkasta land heims, að henda upp glæsilegum íþróttamannvirkjum. Þetta er allt annar raunveruleiki en við búum við heima á Íslandi þar sem erfitt hefur verið að endurnýja Laugardalsvöllinn.

„Við sögðum þeim að við værum í því ferli að reyna að bjóða upp á einn samkeppnishæfan völl á Íslandi. Það var einmitt að grínast með að það væri gaman að fá 20 þúsund manna völl frá þeim eftir að þeir gera einn 40 þúsund manna völl að 20 þúsund. Þeir gátu brosað að því. Þeir tengja ekki við það að í öðrum löndum er ekki svona fjármagn eins og þeir eru vanir."

Það er mögnuð lífsreynsla að vera í Doha og sjá þá uppbyggingu sem er í gangi. Byggingarkranar og framkvæmdir um allt.

„Þeir víla ekki fyrir sér að rífa upp götur og hverfi. Bílstjórinn sem var að keyra okkur sagði að á svæðinu sem við vorum á hafi ekkert verið nema sandur fyrir tveimur mánuðum. Skyndilega voru komnar sex akreina götur og planað að það væri komið hverfi og annað eftir fjögur ár. Það hlýtur að vera þægilegt að hafa bara kistu sem er helvíti djúp."

Það er ljóst að HM í Katar verður einstakt mót að mörgu leyti og gjörólíkt því sem verður í Rússlandi á næsta ári.

„Rússland blasir við með löngum ferðalögum og keppnin er haldin á afskaplega stóru svæði. Það er ákveðið vandamál. Maður sér þægindin í Katar fyrir liðin sjálf sem geta verið á sama hótelinu og það er aldrei meira en hálftími í næsta leikstað. Það væri virkilega gaman að vera hérna þá," segir Ríkharður en viðtalið má sjá í heild í sjónvarpinu hér að ofan.


Athugasemdir
banner
banner
banner
banner