Hope Solo, markvörður bandaríska kvennalandsliðsins, sakar Sepp Blatter, fyrrum forseta FIFA, um kynferðislega áreitni á Ballon d’Or verðlaunahátíðinni í janúar 2013.
Solo, 36 ára, segir að Blatter hafi gripið í rassinn á sér.
Talsmaður Blatter hefur svarað þessum ásökunum og sagt að þær séu algjörlega út í hött.
Solo og Blatter komu saman á sviðið til að opinbera um leikmann ársins í kvennaflokki. Þau voru saman baksviðs og segir Solo að Bletter hafi gripið í afturenda sinn rétt áður en þau stigu á svið.
Solo segir að framkoma Blatter hafi verið sjokkerandi en hún hafi náð að halda haus til að veita verðlaunin.
Blatter, 81 árs, var settur í bann frá fótbolta vegna spillingamála. Hann hefur oft verið sakaður um karlrembu, til að mynda árið 2004 þegar hann sagði að leikmenn í kvennaboltanum ættu að vera í þrengri stuttbuxum til að laða að karlkyns áhorfendur.
Athugasemdir