David Moyes, þjálfari Real Sociedad á Spáni, vill fá belgíska ungstirnið, Adnan Januzaj, á láni frá Manchester United en Telegraph greinir frá þessu.
Januzaj, sem er 19 ára gamall, hefur leikið ellefu leiki fyrir Man Utd á þessari leiktíð en hefur þó ekki sýnt sitt rétta andlit.
Louis van Gaal, stjóri Man Utd, gælir nú við að lána belgíska vængmanninn en David Moyes hefur mikinn áhuga á að fá hann til Real Sociedad.
Moyes er maðurinn sem gaf Januzaj tækifærið hjá Man Utd en talið er að viðræður hefjist á næstu vikum.
Sociedad hefur gengið illa í byrjun tímabils en liðið er í fjórtánda sæti með 13 stig.
Athugasemdir