Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   sun 10. desember 2017 23:00
Ívan Guðjón Baldursson
Messi búinn að jafna met Gerd Müller
Mynd: Getty Images
Lionel Messi jafnaði í kvöld met sem Gerd Müller setti hjá Bayern München, þar sem hann spilaði í 15 ár. Metið sem þýski sóknarmaðurinn setti árið 1979 er yfir flest mörk skoruð fyrir sama félag í efstu deild.

Müller gerði 525 mörk fyrir Bayern áður en hann fór til Fort Lauderdale, þar sem hann hélt áfram að raða inn mörkum þar til hann settist í helgan stein.

Messi jafnaði metið er hann innsiglaði sigur Börsunga á útivelli gegn Villarreal. Messi er búinn að spila fyrir aðallið Börsunga í næstum fjórtán ár og því hægt að segja að hann sé ári á undan Müller.

Næsti leikur Messi og félaga er á heimavelli gegn Deportivo La Coruna og fær argentínski snillingurinn kjörið tækifæri til að bæta markametið þá.
Athugasemdir
banner
banner
banner