Klukkan 19:45 hefst fyrri undanúrslitaleikur Southampton og Liverpool í enska deildabikarnum. Leikurinn er í beinni á Stöð 2 Sport.
Dýrlingarnir verða án Jose Fonte sem hefur farið fram á sölu og vill knattspyrnustjórinn Claude Puel ekki nota varnarmanninn meðan glugginn er opinn.
Hjá Liverpool snýr Philippe Coutinho aftur eftir meiðsli en byrjar á bekknum. Fyrirliðinn Jordan Henderson verður ekki með vegna meiðsla á hæl og Sadio Mane er í undirbúningi fyrir Afríkukeppnina með Senegal.
Fylgst er með gangi mála í úrslitaþjónustu á forsíðu.
Byrjunarlið Southampton: Forster, Cedric, Yoshida, Van Dijk, Bertrand, Clasie, Davis, Romeu, Redmond, Tadic, Rodriguez.
Byrjunarlið Liverpool: Karius, Clyne, Lovren, Klavan, Milner, Lucas, Can, Wijnaldum, Lallana, Firmino, Sturridge.
(Varamenn: Mignolet, Gomez, Moreno, Stewart, Coutinho, Woodburn, Origi)
Athugasemdir